8150 BYR
10790 BYR
274 BYR
23 лютага а 12-й гадзіне ў сядзібе Партыі БНФ адбудзецца адмысловая прэс-канферэнцыя.
На хвалях Аўтарадыё будзе вяшчаць радыё “Сталіца”?
Пра тое, што частату 105,1 МГц могуць перадаць радыё “Сталіцы”, распавёў Еўрарадыё дырэктар гэтай радыёстанцыі.
Аўтар: Наста Манцэвіч 27.01.2012 14:35
“Мы падалі заяўку, каб нам далі частату ў ФМ дыяпазоне. Нам сказалі, што дадуць... Напэўна, гэта будзе 105,1”, - прызнаецца Еўрарадыё дырэктар радыё “Сталіца” Алег Міхалевіч.
Міністэрства інфармацыі пакуль нічога канкрэтнага не кажа. Але рашэнне можа быць прынятае хоць заўтра, мяркуе дырэктар Аўтарадыё Юрый Базан.
Базан: “Трэба проста чакаць. Калі будзе паседжанне Камісіі – невядома. Яна ў прынцыпе збіраецца не радзей, чым раз у два месяцы. Але гэта можа здарыцца і ў панядзелак… І – праз месяц”.
Еўрарадыё датэлефанавалася да Міністэрства сувязі і інфарматызацыі. Спачатку РУП "БелГІЭ" павінен адабраць частоты, распавядае Еўрарадыё намеснік начальніка сектара ўпраўлення радыёчастотным рэсурсам Юрый Чычын.
Чычын: “Мінінформ нам адправіў заяўку на разгляд магчымасці выкарыстання частаты (105,1 МГц). Літаральна ўчора мы накіравалі яе ў РУП БелГІЭ, інспекцыі па электрасувязі. Яны будуць праводзіць працу – адбіраць частату...”
Між тым, Аўтарадыё дагэтуль працягвае плаціць за частату! Пакуль частоты аплачаныя да 31 сакавіка 2012 года. І сума набегла немалая, - кажа Юрый Базан.
Базан: “Мы заплацілі да канца сакавіка. За год мы заплацілі больш за 16 мільёнаў”.
Нагадаю, 12 студзеня 2011 рэдакцыя Аўтарадыё атрымала прадпісанне Мінсувязі аб спыненні дазволу на права выкарыстання частот. Загад аб спыненні вяшчання Аўтарадыё быў вынесены на падставе рашэння Рэспубліканскай камісіі па тэлебачанні і радыёвяшчанні. На ім стаяў подпіс старшыні камісіі Алега Праляскоўскага.
Афіцыйнай прычынай пазбаўлення радыёстанцыі частот стала “невыкананне творчай канцэпцыі і распаўсюджванне інфармацыі, якая змяшчае публічныя заклікі да экстрэмісцкай дзейнасці”. Падчас выбарчай кампаніі Аўтарадыё пускала ў эфір ролікі кандыдатаў у прэзідэнты Саннікава і Някляева, дзе тыя заклікалі прыходзіць “на плошчу”.
Але яшчэ раней дырэктар Аўтарадыё Юрый Базан выказваў меркаванне, што прычына спынення вяшчання – іншая!
Юрый Базан: “Я не ведаю, якая б там з’явілася радыёстанцыя, і што б гэта было. Магчыма, у такім разе атрымоўваецца, што нас закрылі не ў сувязі з рэкламай, а таму што камусьці спатрэбіліся частоты? Хаця, на іх яшчэ ніхто не з’явіўся… Але калі мы плацім за гэтыя частоты, мы іх не можам нікому перадаць! Хаця, ў нашай дзяржаве можа быць рознае”.
Нагадаем, што з 1999 года “Аўтарадыё” працавала на частаце 67,7 МГц. З 2001 года да яе дадалася яшчэ адна частата — 105,1 МГц. Еўрарадыё працягвае сачыць за лёсам Аўтарадыё.
Каментары
можна падключыць мабильны тэлефон да калонак и праз мабильны лавиць нэт-радыё
у меня в связи с этими переменами уже давно вопрос: а можно как-то в машине слушать радио из нэта? наш фм просто ужасен
Што думаеш? Выкажы сваё меркаванне